lletres ruses

Ufiertamos al llector asturianu una curiosa noveda: la traduccion a la llingua asturiana, directamente dende'l rusu, de doce cuentos d'otros tantos autores, llogrando una magnifica antoloxia qu'abarca tol sieglu xix y una parte del xx, deteniendose enantes del romanticismu revolucionariu sovieticu, que nun s'antologa. Como nun podia ser d'otramiente, esta seleccion entama con un cuento de Puxkin, l'autor romanticu que moderniza la llingua y la lliteratura ruses. Gogol, l'escritor ucranianu, punxo les bases de la narrativa realista, na que s'integra Turgenev. Numa antoloxia como esta num podien faltar los dos autores mas universales de les lletres ruses: Dostoyevski y Tolstoi. Leskov ye'l representante de la novela costumista y Chejov sirve de ponte xenial ente'l sieglu xix y el xx. Bunin, ya exiliau en Paris, recibio'l Premiu Nobel de Lliteratura en 1933. Sologub y Zamiatin son dos de los grandes maestros del decadentismu. Babel, de formacion xudia, acoyo con entusiasmo la revolucion, pero desapaecio ensin dexar rastru nel estalinismu. Zoxchenko, per ultimu, foi un escritor satiricu al que les autoridaes acusaron d'antisovieticu condenandolu al silenciu.